Porcelarts - 皇家陶瓷彩繪 (2)

成品攞咗喇~ 同我預計一樣, 高溫會燒溶透明邊位部分~ 實物同想像一樣~

感覺優雅 (自己讚自己作品XD) 

因為冇預計整碎花, 全程即興, 整到咁樣都算係咁~

 

就係呢個令我耿耿於懷嘅 Initial "C" 字

我買咗 & 貼咗個 Ribbon 外框先發現冇大階, 唯有整埋佢 ..........

 

 

因為淨太多水貼, 杯同碟底都整埋~ XD

 

可能瓷器質素普通, 高溫燒過後, 邊位出現黑色一點點

不過最重要嘅圖案完全冇問題~ 好貼服, 好靚~

我呢 set 走線條路線 XD

 

拎返公司開光~ 咁啱有cake 食, 變咗 afternoon tea ~

TWG 嘅 Earl Grey 茶葉好有質素, 50g 太約一百元多啲, 可以飲好耐, 絕對超值!

是日甜品係 Petit Amanda 出品, 口味清新, 估計係 Yogurt Cheese Cake~ 

 

近鏡望去, 圖案清楚印上杯子, 好有滿足感 XD

 

碎花圖案比較易 handle, 編排上較多元化~

 

實物好靚, 一切都歸功於日本製水貼, 質素好好, 只要識拎起把剪刀, 就可以有好好嘅效果, 另外, Miss 全程教我嘅得兩句, 連基本原理少少都唔講, 真係唔係好掂, 全程自己理自己咁滯.......... 冇杯又唔講定, 個 Initial "C" 字又冇大階, 得細階, 但價錢一樣, 其實再去都要諗下, 因為咁貴, 出去買到名牌貨啦, 唔駛受氣................

 

如果各位喜歡自家製作, 一定要去試下, 最好帶多位朋友去, 一齊 share 一張水貼, 咁就多元化~ 唔駛怕一樣, 我同 FD 最後整出嚟係唔同, 我係線條型, 佢係 pattern 型, 每個人思路唔同, 最後成品一定會唔同, 另外, 杯子形狀都有影響嘅~

 

Free style class 好處係可以出去買靚嘅淨色骨瓷, 效果會更好 (仲可避免 Miss 冇存貨)!, 可以整出獨一無二嘅自家杯~ 各位留意下 FrancFranc 同Zara Home , 做特價時可以入手~

 

不過如果對自家製無甚情意結, 出去買仲平仲靚~ 好似 Narumi, 去日本買真係可以再平啲, 仲要係高質素骨瓷!!