Le Creuset ~ Mimosa 18cm Risotto ~

去日本時刻意唔去 outlet (其實係冇時間XD), 去到百貨公司又無去LC counter, 以為自己免疫, 點知最近睇返啲 LC 毒谷, 又再次中毒............ 事緣每年5月同11月都係 Sogo Thankful Week, LC 當然冇優惠啦, 不過就有令人發狂嘅粉紅 (Chiffon Pink) 系列, 之前排隊太失控, 所以變咗抽選 (但今次仍然有一兩款粉紅煲作排隊造勢之用)

 

我當然有登記參加抽獎, 今次攞埋男友同阿媽嘅 Mobile no. , 都係乜都冇............ 除咗我無敵嘅抽獎運外, 仲有我揀嘅都係多人爭嘅, 所以都預咗!

 

今年日本 LC嘅春季系列好正! 係磨砂粉黃色(Mimosa), 簡直至愛, 原本想日本買個花花煲返嚟, 但我知冇時間同冇位, 仲有俾另一半投訴嘅風險下, 唯有作罷..........

 

好友在萬寧換咗 Staub 煲, 興高采列講鑄鐵鍋, 我都想試下煮飯, 畢竟年尾就結婚, 住在港島區, 有時候都要自己煮下飯仔, 唔係就會餓死.........XD

 

見到谷友放咗一個全新 Mimosa , 價錢十分之合理, 只有一小點 defect 在近煲底位置, 反正買咗都係用唔係供奉, 就約交收~ 其實 HK 專門店做緊 try me price 去到月尾 , 都係合理價, 平過代購嘅 (當然我知有個代購平過 try me price, 但專門店有多幾個揀) ~ 當然我呢個更加抵啦~

 

實物非常之正~ 媽咪一見就話好靚, 原來佢 like 磨砂嘅嘢, 仲要淡粉色, 簡直大愛!! 盒上貼紙齊全, 仲有伊勢丹封條紙俾埋 XD (話時話今次去日本冇去到 Isetan ........ >.<)

 

影相同實物都好近似 (唔知點解我個 Lime , 影相樣衰好多)

銀knob 都值成 HKD100!

 

淺身鍋, 適合我呢啲一人份量前

 

開光煮嘅係豆腐煲, 貪其水份充足, 一定唔會黏底 XD

 

媽咪最後放咗一田買到嘅本地雞~

 

講火喉, 可能Staub 會好啲, 但LC 勝在唔駛養鍋, 易清洗, 仲比較輕身, 普通煮食已經好夠用~

 

由於淺身鍋關係, 洗嘅時候好方便, 起碼唔會重身同埋唔會撞到水喉, 唔駛一齊撞花 XD

 

估唔到係底部經明火煮食後, 一啲花痕都冇, 以後呢個 Mimosa , 就一直陪我練習用~