HK 有好多 LC fans 都係粉紅控~ 我都唔例外, 再加埋佢嘅限量身份 (開倉同店都冇, 除咗try me items), Chiffon Pink (CP) 專門店只有 14bb & 16bb (都要買 baby series over HKD500 先可以加錢換購), 所以一到 thankful week, 各LC fans 同炒家都出現去排大隊, 自從上次 LM - Lilac Mist (紫丁香) 抽選後, 今次都繼續抽選, 用家當然好, 唔駛俾炒家賺, 大家公平! 但係我呢啲無抽獎運嘅, 點都係冇嘅, 當然唔會俾炒家得益, 唔想有惡性循環, 之後只可捱貴煲!
當我知道乜都抽唔到之際, 正如上一篇 Mimosa 18cm Risotto, 已經買咗佢, confirm 哂交收後, 第二朝, 一開 facebook 就收到 message , 其中一位谷友問我要唔要 CP 20cm quota , 佢有可以俾我呀~ 2013年9 月開倉已經入手 lime 20cm round, 但CP 好難得有, 諗咗陣都決定要咗佢, 最多原價放售個 lime, 萬一賣唔到, 賣個CP 都一定有人要~
放工同媽咪講, 佢居然話要咗佢, 既然我咁 like CP 色.......其實我已經有 CP 14bb 同 CP心煲, 但實在太吸引, 所以都係要咗佢 (其實我最想要 CP 16cm , 因為兩口子唔駛太大, 又有 lime 20cm , 同埋 try me price 好抵)
JM 話因為 forward 唔到個細佬手機 message, 所以親身同我一齊去拎, 實在太好人喇, 好感動!
當晚有另一 JM 話俾 CP 16cm quota 我, 但我冇得用 SOGO card , 仲要一定宅急便, 加上早上已應承咗 CP 20 round JM, 所以婉拒其好意!
因為之前換其他 CP 煲, 放工繁忙時段都等好耐 (因為有好多驗屍官 XD), 所以星期六一上完 Yoga 堂就衝去 Sogo 會合 JM, 去到原來一個人都冇, 大嘆好彩! 亦因為咁我可以揀多幾個煲 ~ JM 好好, 仲幫我做埋QC 員, 叫STAFF 好快啲拎多幾個出嚟俾我哋揀, 因為 email 冇寫明只可揀三個 (當然有人排隊我哋唔會咁, 唔想製造長龍, 亦都唔想人哋等咁耐), 不過換轉講, 如果個個煲QC 整得好, 大家都唔駛驗得咁仔細, 話哂咁貴一個煲, 都唔想有 defects ............
開第一個覺得好好, 點知煲蓋邊有好多黑點, 搵咗好多個, 先得一個厚油好, 但係銀 knob 少花, 不過呢個小問題, 買個新 knob 都係 HKD 100 , 可以 rectify 嘅 defect, 我同JM 都覺得厚油好過冇油, 始終係生鐵, 會生锈嘅.......... 厚油係個牌子名無咁顯眼, 但都上色均勻, 於是帶佢返屋企~ 用 Sogo card 加埋限時 promotion, 大約有10% off ~ (95折後再95折)
粉紅色係靚嘅, 但QC 普遍麻麻地, 不過買咗又好開心, 可能只有少量XD
HKD 1,685.87 (HKD1,868 原價)
厚油嘅唔好處係牌子名唔明顯, 只可選擇其一, 我寧要厚油~
而且呢個起碼唔似我個 14bb 有黑點之餘仲有黃點.......... @__@
自己有得揀點都好啲嘅~ 代購 / 網購就有呢個風險!
如果問我買咗 Mimosa 先有 CP 20 出現有冇後悔, 可以答係冇, 因為 Mimosa Risotto隻色真係好靚同埋品質一流, 再加上淺鍋, 易清洗唔重手, 加上平價, 仲慶幸自己搵到好嘢 XD 一星期買兩個煲, 真係......... 要暫時收手, 等下次 thankful week , 睇下抽唔抽到先再算 XD
入埋呢個 CP 20cm round , 我嘅粉紅成員增至 3 個喇~
後記: JM 好好人, 仲好好傾, 之後我哋傾咗好耐, 企響Sogo講埋去骨瓷, 去埋 Narumi 同Royal Albert 互毒大家~ 不過約咗另一半, 所以只有中斷對話~ 大家有共同興趣真係講極都唔完~
沒有留言:
張貼留言