利苑酒家

 話說出院後第一件事唔係返屋企抖, 實情係去咗餵飽五臟廟 XD 反正醫院搭嘅車都係出旺角, 於是就揀咗年年攞米芝連星嘅利苑酒家~

 

因為唔知道正確出院時間 (呢間私家醫院真係太差, 入院等好耐, 到出院都係要等好耐!!), 所以冇 book 到枱, 去到旺角剛巧 1:30pm, 午飯嘅上班一族應該都要結帳, 去到果然 walk-in 就可以 (當然我哋有兩手準備, 食唔到都可以去第二間)

 

 

 

蜂巢芋盒 $32

質素非常之好, 好鬆脆, 同半島嘉麟樓有得 fight

(其實個賣相都好似, 唔知大廚以前係咪半島做過呢)

 

蘿蔔絲酥餅 $32

夠酥脆 (唔係鬆脆), 咬落外層時唔會斷開一條條

避免咗尷尬外層散落成枱都係!

 

蝦餃 $32

出奇地蝦餃呢個價錢! 雖然體積嬌小, 但質素不俗~

 

可惜想食嘅雪頂餐包賣哂, 雖然媽咪話添好運咪一樣, 但都想試下嘅......... 下次有機會一定要試, 睇下係咪真係咁好味 XD

 

最後要注意嘅係唔係每間利苑都有質素嘅, 大家睇下每年米芝連星星都係得旺角同其他一、兩間分間先有, 如果要食, 就要跟住啲星嚟走, 唔係就會失望而回!

 

PS: 由於眼疾處於康復中, 今期嘅 Mogri 飯堂將會暫停一星期! 下星期預告會挑戰炆牛肋條~

 

Updates: 好唔開心, 今朝媽咪 call 咗白車入醫院, 媽咪一直身子好好, 係咪星期一同二陪我入院時感染, 真係好唔開心呀!!! 希望媽咪咩事都冇, 唔駛留院!