骨瓷是一種低溫軟性瓷，沒法手工拉製，只能用模具旋製或注漿等工法生產, 骨灰含量越高, 瓷器就越輕身、更有透光感~
骨灰的加入大大改善瓷器的性能，但加入的份量有所限制。骨灰含量越高，瓷泥可塑性越低。一般的（高含量）幼骨瓷fine bone china 含骨灰約 40%~42%。超過45% 時難以成形。
(節錄自網上註解)
不記得何時開始對骨瓷產生濃厚興趣, 我想大概係開始著迷食 Afternoon tea 時吧! 有美美餐具才會令整個 Afternoon tea 更加優雅, 用上劣質餐具, 再上乘嘅甜點也只會失色!
有著天生敗家性格的我, 不知怎的讀書年代已經識兩隻腳行去百貨公司嘅高級餐具 counter 欣賞漂亮嘅骨瓷, 當然望望下就會想擁有一套, 就這樣, 讀書年代冇乜錢嘅我, 買了平生第一套高級餐具 - Noritake 嘅一 set 四件嘅茶杯(兩隻)連茶碟 (兩隻)套裝~ (已經收埋咗, 可能第時有自己屋企時會搬出嚟用~)
往後都繼續留意骨瓷, 但實在太貴, 但經過谷友介紹, 見到 Narumi 出嘅蝴蝶結系列, 雙眼又即時發光 (又中毒喇!), 宜家出嚟做嘢, 自然買得鬆手啲~ (真係敗物處處有!)
Narumi 用粉藍盒, Noritake 係綠色盒子~
開盒喇~
一對骨瓷杯, 左邊係粉紅, 右邊係粉藍
好新婚 feel ~ (都係有自己嘅家先拎出嚟用)
Made in Japan ~ 感覺抵返哂 XD
仲有Bone China 只不過係骨瓷統稱, 唔好俾呢個 term 誤導係中國製造!
各位買骨瓷要記住, 宜家好大牌子都會在中國或者其他亞洲地區 (e.g. Sri Lanka) 設廠製造, 買時記留意底部, 當然 made in Japan 嘅會貴啲, (但其他地區生產都唔平, 始終名牌子嘛), 長遠計係值得俾多少少嘅, 至少質素同圖案好好多~
買骨瓷真係早買早享受! 有隻方型碟已經加咗價, 不過真係好 like 所以都照買........... 而我第一套買嘅 Noritake, 仲未 discontinued, 而且已經比我當初買時加咗1/3價錢! 最衰上次日本之行冇買到骨瓷, 宜家好後悔, 肯定平過 HK 好多 ga >.<
我屋企骨瓷都係趁 Sogo thankful week 打折時購入, 各位唔急用嘅, 可以等一下, 每半年就有一次機會來臨 XD
沒有留言:
張貼留言