Mogri 飯堂 ~ 麵豉醬炆茄子 ~

時間過得好快, 又過咗一個星期, 要練習煮餸, 經過一個半月嘅訓練, 已經快手咗好多, 亦都明白煮家常小菜都係萬變不離其中, 最重要都係食材要好, 只要食材好, 基本上求其煮都唔會差得去邊!!

 

買咗把孖人牌日式廚刀後, 切嘢真係得心應手好多, 好快手咁切咗一條長矮瓜同一個洋葱, 而且都係薄同細片, 感覺上刀功好咗 XD (不愧工欲善其事, 必先利其器!!)

 

跟住嘅工序都係咁啦, 爆香蒜頭同薑, 再落豬肉碎炒, 跟住再放洋葱爆陣, 唔夠油就加, 最後拎起豬肉碎, 落茄子炒下佢 (當然要加油, 唔係乾炒), 之後落糖; 鹽 (少許); 豉油 (今次唔記得落, 好彩麵豉醬夠鹹) 同最重要嘅麵豉醬, 再煲滾水倒入鍋, 蓋上蓋細火炆 15 mins~ 最後整個生粉茨, 搞掂!

 

 

預備好需要嘅食材

長茄子一條, 洋葱一個, 豬肉碎適量

 

新用嘅 LC 粉紅筲箕真係冇買錯

夠深(可放好多食材)同埋 Silicon 質素好好, 絕對唔同街邊 / 淘寶貨

 

爆香豬肉碎同洋葱

 

九龍醬園出品: 麵豉醬

屋企唔多鍾意用調味醬料, 唯獨九龍醬園出品, 真材實料

有濃香味但唔鹹, 落少少已經好夠味, 用於食材上, 食完唔會口渴! (另用於炒豆角一流!)

 雖然比坊間嘅貴, 但每次只需用少少, 一樽夠用好耐~

(記住九龍醬園舖位位於中環, 同九龍完全無關的!)

  

炒到咁上下, 茄子變軟同變色~

 

 

加入麵豉醬炒勻後, 就將滾水倒入

由於未掌握到 LC 煲嘅特性, 都係落多咗水~

 

完成品: 賣相雖然唔多吸引, 但係味道不俗 ga ~

 

結論都係食材好重要, 只要唔整燶同亂落調味料就可以了~ 當然加入出色調味醬更是如虎添翼!