簡單啲嚟講: 把鮮奶煮熱後，撞入薑汁中即成
其原理是薑含有蛋白酶, 能與牛奶內的蛋白質產生化學反應, 令到牛奶內的一種蛋白質由可溶的狀態轉成不可溶的狀態來使牛奶自然凝固。 (資料來源:維基百科)
要成功整到一碗薑汁撞奶, 秘訣在於:
1. 薑越老越好 - 老薑含蛋白酶較多, 會較容易產生化學作用 (當然薑越老係越辣嘅 XD)
2. 牛奶成份嘅蛋白質含量一定要 3.3% 或者更多
3. 牛奶温度要在攝氏 70-85 度範圍, 多過或少過都不行 (因為有人測試過)
只要符合上述三項條件, 基本上係零失敗的!~
第三次先成功, 匙放上成品係唔會沉落去
沉嘅話就變咗薑汁熱鮮奶 XD
真材實料~ 唔係水汪汪~ 非常之濃稠
質感好滑, 滑過豆腐花! (媽咪 comment)
必勝鮮奶! 搵呢隻牛奶去撞一定成功!
網上教學果然冇錯嘅~
4.4% Protein, 多過 3.3% 咁多一定得啦!
前兩次嘅失敗作就係出自呢款 4.3 牛奶
盒上說明都有 3.7% Protein ga!
俾咗兩次機會佢都失敗, 有可能脂肪含量高, 厚身質地唔適宜用於撞奶!
(題外話: 呢款 4.3 全脂奶幾好飲嘅, 整唔到撞奶, 平時飲又平又正)
白色嘅沉澱物就係蛋白酶, 越多越好!
(撞牛奶落去前記得整勻佢哋呀!)
呢個粉量嘅薑汁只係夠整半碗撞奶
當出去甜品食碗薑汁撞奶要成 $30 之際, 再望下自己成品, 只需花點時間就可以整得一樣嘅好味道 (反而有時出去甜品店食會較稀身, 少少水汪汪), 而且甜度可以自己控制, 可以同自己講, 以後出街食甜品可以選擇少一樣了~
另外, 薑對胃部有莫大益處, 自己整嘅話可以同時飲多啲薑汁, 對身體都好啲 ga ~
沒有留言:
張貼留言