2014年底結婚, 上年已經開始着手考慮婚後煮飯問題, 我幸運地有位全職廿四孝媽媽由出世開始就照顧我, 三餐無憂, 真係飯來張口果種港孩! 決定結婚先醒覺, 原來我只係識煮公仔麵同淥生麵, 煎蛋未試過, 更何況一餐飯餸................
前年得知表妹經同事介紹用LC 後, 廚藝大有進步, 越見有水準, 所以開始對此品牌留意~ 上年入 FB group 後一發不可收拾, 未學煮, 已經買定煲!! 前後買咗三個煲, 一個grill pan , 到第四個煲18 Mimosa Risotto 後, 痛定思痛, 開始學煮餸!!
加上適逢朋友們對LC & Staub 產生濃厚興趣, 所以決定拎起我嘅 LC 收藏, 一齊做煮婦, 免得婚後無啖好食!! (阿媽住對面海, 冇得痴餐好慘>.<)
宜家決定逢星期日都跟大師 (媽咪) 學煮一兩樣我平日食開嘅餸菜~ 當然係簡單快捷為主, 鬼叫我又要返工, 放工只可以煮輕盈飯菜, 已經好勁!
網上有好多 LC 高手, 所以我都無謂獻醜, 食譜欠奉~ XD
準備開大餐~
是日菜式: 蕃茄肉碎蛋拉麵
除咗拉麵係另外煲, 所有材料都係 Mimosa 入面搞掂~
仲意外發現珐瑯整滑蛋極容易!!
呢支係西貢 Noble Living 出品, 谷嘅 JM 們應該好熟識~ XD
唔同 LC , 全支矽膠清洗方便!!
今日入手嘅食譜書, 右邊係大人氣 blogger 偽主婦食譜, 主打西餐~
左邊係光波爐食譜~ (阿媽嘅)
趁住商務有八折優惠入手~
希望攞到靈感啦!!
沒有留言:
張貼留言