一直以嚟都喜歡食炸物同燒物, 成日見到LC 谷友可以煎到格仔紋牛扒, 心裏面好羨慕! 上次開倉買唔到square grill pan, 自己又懶唔想去 amazon.it (又要google translate 啲意大利文, 退換貨又唔方便.................) 見到代購價合理, 就即刻訂一個!
雖然隻色唔係最愛, 但係先可以俾我呢個煮食新盡情粗用 XD 由於太重關係, 安排咗宅急便到付 (即係貨到先俾 courier charge - $33), 可惡嘅宅急便, 送貨時係唔會打電話 confirm 有冇人在家, 而且又講大話話我屋企冇人, 備註講明咩時間都唔理........... 最後安排免費第二次運送先得, set 好日子同時間, 繼續唔跟, 即晚又送過, 好彩屋企有人, 唔係就要自己去宅急便service centre 自取..........
總算有驚冇險收到貨~
搶眼嘅橙色, 一睇就知係 LC cast iron product
開箱喇~ 今次買嘅係 frame 色
24cm grill pan 放上爐頭剛剛好, 長方形嘅驚周邊位唔夠熱力
而且最細呢個size 已經幾重手
為咗養鍋, 媽咪買豬肉時額外 request, 貪其肥豬膏夠勁
開爐喪煎舊膏後, 啲油開始滲出嚟, 個 grill 勁油潤
途中媽咪仲煎咗大尾魷, 同南非大鮑魚, 全部都好新鮮, 好彈牙!
離殼時樣子~
開邊煎熟後, 好大隻, 同場加映大海蝦一隻~
沒有留言:
張貼留言