小甜谷

小甜谷由著名藝人開嘅 (不過宜家少響報紙、電影見到她了), 夾著明星效應下, 由開業至今, 都有好多慕名而來, 總店位於大坑, 亦都係我最常光顧嘅一間, 另一堅尼地城分店前三年已經結業, 九龍店就只有海港城LCX 入面啲一個小舖頭 (似檔口多啲 XD)

 

明星開店嘅好處, 好多相熟嘅傳媒都會大肆宣傳, 同時夾著名氣, 好快廣為人知, 變為人氣小店! 雖然蠃在起跑線, 往後嘅日子都係要靠質素同口碑先可以!

 

小甜谷開業都有起碼六年左右.......... 每次食, 水準都依舊, 不過唔知係咪年尾關係太多人, 定係好難 (貴)請個洗碗工人, 近兩次去都係用紙製器具, 有點兒唔環保!

 

Menu 設計簡單但感覺良好~

起碼每樣嘢都有圖睇, 唔駛靠估! 

 

腰果露+芝蔴糊

腰果露好少糖水有得食, 仲要好味, 濃稀度剛剛好

芝蔴糊夠香味, 出奇地同腰果露好夾~ 

 

芒果奶凍 (我同阿哥嘅至愛)

奶凍好香奶味, 又夠滑, 唯獨芒果唔夠甜 (農曆新年間凍嘅關係)

 

 

杏汁雪耳

杏汁出奇地唔似藥水味, 有杏仁香, 很不俗~

 

只要有質素同價錢成正比嘅話, 我係唔介意嘅, 小甜谷定價雖貴, 但有質素, 唯有唔方便就係地點, 每次過港島, 食甜品都會記起佢先............ 各位去嘅時候話唔定會見到 "玉女掌門人" 同佢夫婿呢 (我已經見過兩次喇!)