insomnia

 舊同事推介, 呢度夜晚係酒吧, 去過蘭桂芳必會認得呢間店, 友人都在 openrice 寫過食評, 所以我哋再次拜訪~

  

經過蘭桂芳咁多次, 都冇發現原來間 bar 叫 insomnia XD

 

 牛肉漢堡 $80 (另加 cheese $10)

一定要加錢要芝士, 兩大片好滿足! 而且個牛扒夠熱, 食時芝士溶咗, 超正!

另外, 牛扒好厚身, 而且有肉香味, 好有水準! (單睇賣相已經好掂)

薯條炸得香脆, 熱辣辣, 掂~

不過太大份量, 我食到勁飽都食唔哂, 女仔嘅話三個人叫兩份都夠!!

店內餐枱唔太多, 一半以上食客都係坐响呢啲窄枱仔,

可能係 bar 嘅關係, 所以有咁嘅設計, 我明白始終唔係正式餐廳~ 

 

中環價錢 $90 (冇加一服務費) 食一個咁大份嘅 burger, 真係超正, 質素比 Outback 更好 (當然呢度唔似 Outback 咁有沙律、餐湯、餐飲同 honey bread), 份量亦都好足 (即係卡路里又創新高 @_@) 又一中環食 lunch 好去處~ (不過冇得訂枱, 要早去攞位), 不過友人話呢間啲意粉普通, 沙律同 burger 比較出色!!

 

另外, 呢度得一款 burger , 如果唔食牛肉就冇其他選擇, 只可以選 sandwiches, 個人認為價錢差不多, 食三文治好似有啲蝕 (可能冇咗薯條跟 XD)