榮記粉麵

唔知點解, 識我嘅 friend 都以為覺得我對食好有要求, 實情係我平貴都食, 總之好食就得! 最重要係物有所值, 只要食品 (材) 同價值成正比嘅話, 就已經好滿意~

 

當然去高級地方食, 就要求有相應嘅服務質素、環境裝修、甚至餐具嘅選用! 我個人都鍾意食大排檔同打冷, 當然要好味/ 有質素我先會去, 至於衞生方面則採取眼不見為淨態度~ 大菌食細菌, 肚痾咪最多下次唔去 XD

 

今次去嘅係位於銅鑼灣糖街嘅榮記粉麵, 主打車仔麵, 以前聽聞响小巴街擺排擋, 後嚟出名後就入舖~ 雖然入舖, 其實同坐排檔冇分別, 真係用盡每寸空間, 枱與椅擺到好密, 幾乎冇位行, 而且好講速度, 一坐低就要即 order, staff 好厲害, 好少落錯單, 咩幼麵、油麵, 聽少啲高低音都好唔同.............

 

三拼: 大腸、蘿蔔、牛根油麵 ($35)

油麵係粗身圓圓地嘅麵, 咬落有質感, 車仔麵主打麵質

大腸洗得乾淨, 無腥味 (可能炆得十分入味), 有嚼勁, 大愛~

 

淨豬紅 ($25)

另一半至愛, 一定要另叫一碗食過夠~

我覺得係雞紅, 因為係滑身, 真正豬紅係爽身

不過好味就得啦~ (真係好入味同勁滑)

 

三拼: 大腸、蘿蔔、齋 (麵根) 幼麵

幼麵都不錯, 唔多鹼水味

蘿蔔勁入味, 好軟身, 睇得出炆咗好耐, 而且冇"渣" (冇纖維), 正到冇朋友!

 

呢度另一特色, 係冇單嘅, 走嘅時候, 店員就大叫幾多錢俾收銀聽, 佢哋以碗嘅顏色嚟計, 簡單快捷! 紙都慳返 XD

 



全單盛惠 $95, 講真以廉價食材嚟講真係貴, 因為坐落銅鑼灣, 有部分去咗租金, 好彩水準一直 keep 到, 即使人流轉得多快, 門口長期都會有條小人龍排隊~