拍拖10週年禮物 ~ ReFa Carat ~

貶下眼我同另一半已經拍拖 10 週年, 今年年尾仲攜手步入人生另一階段!

因為我哋拍拖紀念日係西方情人節 2月14日, 每年都係普普通通食餐就算, 每年我都讚另一半好醒, 揀呢日開始, 慶祝少一個節日, 慳返不少 XD (無理由要俾人擋, 食勁貴一餐丫!) 不過都有好處就係善忘嘅另一半一定會記得呢個週年紀念, 算係有啲好處啦~

被另一半稱為購物狂 (冇嘢係唔想買) 嘅我, 當然又有新搞作, 前排上結婚網站有 blogger 講 Re Fa Carat 可以幫忙代購, 價錢平行貨 $500, 於是叫佢朋友帶返嚟! (雖然中間有 mark up , 但好過行貨食水深, 始終盒嘢都幾大盒同自己又唔可以親自去日本, 人哋去日本掃貨仲要帶埋件嘢返嚟, 個個去日本都shopping queen 上身, 自己嘢都未必夠位入喼), 知道日本都好多假貨, 平嘅話有可能係假, 當然我買呢個係正貨啦, 鋼水一睇就知, 用落更加唔駛講!

剛好在情人節收貨, 另一半順勢當情人節禮物, 免得被我埋怨~

日本產品當然注重包裝 (呢部係新包裝)

 

內裏主件與配件 

主體頂部有兩個金屬球, 上面有好多微細砌角位, 碌面時可以更緊貼肌膚, 而且用電鍍白金, 令到面部肌膚都用得, 減低敏感機會! 

碌嘅時候金屬球會好順滑地轉, 而且會有微電流通過, 碌面幾分鐘, 真係有少少牙軟感覺!

至於機身中央位置有太陽能板, 吸收光源後轉化為微電流..........

全機身係防水, 沖涼時都可以用~ 而且據說效果更好

 

 

細 barcode (左) 同 保用證編號係一樣的

 

 

因為呢部機日本都好多假貨, 所以MTG 官方已經表明無保用證號碼係假同不受保用, 當然假貨都可以冒呢兩樣嘢, 要知道假貨都係hea, 一定唔可以防水同埋會生锈, 而且金屬球有接駁位, 真貨一定冇, 仲好圓滑!

 

呢部機推出兩年, 已經賣咗230 萬部, 好誇張, 日本雜誌 model 個個推介, 我用咗幾個鐘, 感覺幾好, 如果要呢嚟減肥真係普通, 當刮沙同按摩就一流的, 始終都有微電流通過, 肌肉會鬆啲!

 

男仔用呢部係無咩感覺, 女仔肌肉少啲, 真係有肉推起的~ 另外仲有一部專 for body 用, 有四個滾球, 效果好掂, 但就唔可以碌面, 我呢部功能全面啲~

 

多謝未來老公送我呢份最後一個 Single身份嘅情人節 + 拍拖10 週年禮物~