一直以嚟都好喜歡食和花亭嘅芝士年糕, 貪其芝士餡料軟滑帶香, 試過某年整整一年都冇得供應, 近年又有, 但係感覺忽然又會停售, 再者和花亭由全盛時期同魚一丁一齊打天下, 壽司魚生質素非常之好, 價錢合理, 去到近年租金、食材價格持續上升, 食物質素已差了好多, 當然和花亭仍然係我首選嘅壽司店, 只是唔似以前一個月最少食幾次..............
及後响 FB 見到有谷友介紹 759 阿信屋引入嘅日本芝士年糕, 仲話唔錯, 即時又心心眼 XD 可惜每次去到都失望而回, 經過兩個多月後, 終於俾我買到喇, 原因係 759 唔再做限時優惠............ 啲人真係勁, 特價次次搶到, 而我同媽咪就唔得 >.< 原本想等會員優惠日, 但媽咪話大減價果時買唔到, 又咁想試, 最後都買回家試!!
認住呢個 packing 就係喇~
(原來係來自北海道)
原先想解凍先煎 (驚外熟內生)
但媽咪問咗 staff 直接慢火煎就可以, 於是拎出易潔 pan 慢煎
煎香一面再反轉另一面煎
(點解咁似潮汕糯米餅咁嘅 ?! XD)
煎咗十多分鐘, 終於食得喇~
內裏都有溶嘅芝士
第一啖咬落去未食到芝士時, 已經好有和花亭嘅出品味道
再加埋啲芝士, 真係有 8 成似!!
媽咪煎到外脆內軟, 真係 very good ~
和花亭賣一碟兩件 over $30, 去 759 阿信屋買只需 $70 有20 件, 當然, 和花亭係炸嘅版本, 厚身啲更多芝士, 如果唔介意屋企要自己整熟, 759 呢款一定非常之抵食同好味~ 以後又少啲去和花亭.............
沒有留言:
張貼留言