Mogri 飯堂 ~ 咖喱薯仔炆排骨 ~

 話咁快又一個星期, 今次 Mogri 飯堂係煮 - 咖喱薯仔炆排骨~ 上次失敗後, 今次都係整啲簡單啲嘅餸...........

 

製成品~

因為屋企不太喜歡多汁嘅餸菜, 所以炆嘅都係收乾哂水

食材便會吸收哂所有精華~

 

 同場加映 - Yahoo outlet 買嘅日式廚刀 set

真係輕身同埋好鋒利, 切食材更得心應手!

(當然要小心手指.......)

 

好快就切好食材~ 

 

 

首先煎下排骨至8成熟

再將薯仔倒入, 加油爆下佢~

 

 將薯仔用油爆一輪後 (等薯仔軟滑啲)

再放入洋葱炒下

 

 另一爐頭準備一碗滾水, 然後倒入~

倒入滾水前加入一茶匙咖喱粉~

 

第一轉 10mins, 咖喱汁未收乾, 薯仔也未夠軟熟, 蓋上煲繼續炆~

再過 10mins 後, 咖喱汁已經差不多完全收乾 (如上圖)

再打個小生粉茨, 炒勻排骨同薯仔, 再灑上少少香草就完成了!!

 

 

同場加映新買嘅 Rilakkuma 陶瓷筷子座~  (上)

Made in Japan ga ~ HKD35 好抵, 質素好好, 上色均勻, 唔會塗出界~

對筷子係龍貓巴士同 細白龍貓, 都係 Made in Japan XD (中)

 

真係好開心, 製成品有媽咪八、九成水準 (媽咪仲話有佢十成功力 tim!!), 不過傷心係整幾次餸, 最難食果次就係另一半食果次 (上星期), 俾佢誤會我煮嘢唔得, 真係好唔開心.............

大廚半路去咗食雞煲我就搞成咁, 真係有排都未學滿師 >.<

 

雖然LC 煲係專用嚟炆同燉, 但今次份量唔多都要炆成 20 mins......... 各位真係唔好淨係信密碼, 一定靠自己目測, 憑經驗同感覺會好啲, 建議時間都係參考就可以~

 

唔得, 下次真係要整個復仇篇, 挽回口碑!!!!!