LC 中環店四週年之入手~

又到一年一度LC嘅半價盛事！上年慶祝中環專門店開業三週年就以 HK ID No. 有3字就享有三件貨品半價優惠~ (以每日計，即係優惠期內，每日去買三件半價貨品就可以了)

今年四週年，自然就係 ID Card No. 有4字，可惜我同另一半 ID card no. 中冇，註定冇緣，記起媽咪有，於是力邀佢遠渡過海去中環上山敗物！

由於已經係活動第三日，又冇大補貨，好多缺貨，各人都收到風，所以冇乜人上山，唔駛排隊！！ 因為今次主力買LC專用cleanser, 知道有大量貨，唔怕要媽咪白行一轉~

媽咪已經响shop等緊我，入到去即刻攞cleanser,然後睇下有咩買，用盡三個quota~ 見到silicon 煲墊有粉紅色，即刻拎起！之後見到冇花花盅同心盅啱色，再望下其他，之後見到Fan's favorite 出現過但好快sold out 嘅粉紅silicon筲箕，對粉紅冇可抗拒下，又拎上手，咁就三件，走去埋單，入舖到俾錢，前後10mins 內走人 (可能同日揾代購入手咗幾件敗物)，唔再留戀响shop入面 XD 

 

4週年三件貨入手~

望真個筲箕似足架cute版UFO XD

之後媽咪將個墊放上個筲箕頂 (係剛剛好可以封頂做蓋)，仲話似燒烤爐 XD

另一位LC粉絲朋友見到話似頂帽~

大家都發揮很好嘅想像力！！

 

同場加映： 之前同谷友訂嘅Satin pink spatula終於收到~ 可以襯我嘅粉紅系列！