UCC @Olympic City

一向喜歡食waffle / pancake 類物體，亦喜歡優閒地歎咖啡！UCC 係我常去嘅地方，貪其唔貴，環境同食物有保證！

之前去開沙田新城市廣場分店，鑑於
愈發多人，等位等到傻 (多得自由行)，遂轉場去奧海城分店。奧海分店地方夠大，人流唔算太多 (會唔會摺埋㗎，好驚少咗個hea嘅蒲店！)每次都唔駛等位又坐得闊落，正！奥海居民仲有九折，出示住戶就可以了。

至愛waffle , 粉漿做得好好，即食外脆內軟，勁好味，而且水準穩定。每次食都咁正！

忌廉什菌意粉

其實冇咩特別，只不過跟餐選擇少，UCC焗意粉好味啲！

UCC 嘅咖啡真係好香好滑！即使最平嘅招牌咖啡都已經好正！