添好運@深水埗

初登上米芝蓮一星，成日幫襯添好運，亦都帶起點心專門店風氣。

首本名作菠蘿叉燒包確實好味(新鮮熱食嘅話），其他都不俗！但半年前在奧海分店不愉快經歷，而且有其他店舖代替，已經冇去了，今次為着泊車方便，加上大少發脾氣話肚餓，所以去返深水埗分店 (奥海果間應該做到執笠都唔會再入去！）

因為之後要打邊爐，今次只叫兩碟點心填下個胃。

鮮蝦腸粉

腸粉好透薄，讚！

相反近年美心酒樓出嘅腸粉好唔掂，好厚身！好失望！

燒賣

水準不俗！當然呢個價錢唔會期望有大大隻蝦！