那些年..........我的貓貓 Mog Mog ~

由細到大, 都好like 毛公仔, 我有一隻自幼稚園就跟住我嘅 "陪瞓貓貓" - 大肥貓 (當年亂改名, 阿哥兩隻小型加菲一隻叫小肥貓, 另一隻叫中肥貓 (大少少), 之後買咗隻更大嘅, 自然就叫大肥貓! 後期再買大隻啲, 叫超大肥貓........... 再買已經諗唔到咩名 @_@) 宜家我都係叫佢做肥貓算~

媽咪每次幫我換床單後, 都將我床上嘅公仔一字排開放好~

隻隻坐唔穩, 好似打風咁 XD

左起: 肥貓、Mogri 仔、大貓貓、QQ

 

我的睡眠三寶~

想瞓得好, 當然要有呢三寶~ 肥貓我係會攬住嚟瞓, 由幼稚園中班開始陪我, 超過廿五年歷史　（當年CWB 三層高屈臣氏買~ 都怪我細個唔識保護佢, 令到眼睛永久受損....... >.<

 

 

肥貓係我傾訴好對象, 唔開心會同佢講, 係我嘅永遠好好好朋友!

 

 

大貓貓係我小四那年考第二嘅禮物~　大丸百貨購入~

 

 

肥莫利係阿哥在灣仔一售賣日本景品店買回來.......... 睇下佢個樣幾曳!