Mogri 飯堂 ~ 麵豉醬炆豆豆+油麥菜 & 蕃茄肉醬意粉

 

媽咪出咗院後仍然休養中, 食咗藥唔知點解仲係咁虛弱 >.< 煮飯就落在我身上, 响雪櫃搵呀搵, 俾我搵到豆豆同埋食淨得一棵油麥菜!

 

 雖然放咗冰櫃, 但都夠翠綠 (葉頂嘅變黃已經俾我丟走 XD)

 

 我鍾意食焾嘅豆豆, 所以煲呀煲呀~

(當然係落咗九龍醬園嘅麵豉醬先)

 

 最後放上油麥菜, 焗 1min 就上枱食~

 

食飽飽後洗埋碗, 阿哥就話返嚟屋企食............ 原本唔想再動身煮, 但見佢陪媽咪入院, 做咗啲家務, 算忙咗成日, 算啦, 就煮我最有把握嘅肉醬意粉俾佢!

 

落足三個蕃茄, 灑足香草, 之後仲落埋必勝蕃茄醬

一定非常夠味 XD

  

 最後落埋爆香咗嘅肉碎

 

另外一邊爐就煮意粉~

 

因為阿哥未回家我又要早啲休息, 所以叫佢翻熱肉醬再落意粉 (當然跟手叫佢自己洗埋碗啦! 好彩佢都有聽話) 第二日問佢食成點,  佢話味道 OK, 我話佢高要求, 下次唔整俾佢食 XD 佢即刻俾個青蛙喊樣我, wahaha!! (我哋用 Line 溝通的~)

 

話說整肉醬時係用瓦煲, 爆香完豬肉碎後落蕃茄, 未炒勻整其他嘢, 點知有少少燶底, 即刻拎起蕃茄洗煲, 再落過蕃茄, 用慣 LC, 真係用唔慣其他煲............ (滴汗中)

 

PS. 媽咪昨晚已經復原進度幾好, 昨晚返到家已經煮好晚飯, 當然我要求洗碗, 始終剛大病好唔想佢咁操勞!