蔡潤記

 星期六午餐離不開飲茶, 不過飲得多其實又想食下其他嘢, 午飯時段見到另一半個 fd 去食魚旦粉, 望落似係地區名店, 同時間自己又冇乜 idea 食咩, 於是跟住tag 咗嘅地方去位於大埔嘅蔡潤記~

 

用 Google map 搵咗確實地點 (真係好方便), 去到前幾個舖位見到蔡潤記落閘, 原來係角度問題, 其實只係左、右兩邊閘各閂咗一半, 仲有得入去食嘅~ (不過離收舖時間不遠矣)

 

 魚旦、魚片粗麵

估唔到粗麵很不錯, 可能落多咗油關係, 感覺好滑!

無太多鹼水味, 麵質夠爽口的~

至於魚旦同魚片中規中矩, 唔算太有驚喜 (可能我對小店期望好高!)

 

牛根 + 魚片河粉

有牛根嘅關係, 呢碗嘅湯比較深色, 感覺比較濃味

湯底偏鹹, 但好夠味, 出街食就係要呢種感覺 XD

河粉夠滑, 但唔算係越南河果款

 

牆上海報發現有樽裝維他奶出售, 即時叫一支飲~

 

 

 去到大埔當然順路走去想參觀好耐嘅鐵路博物館

 

有幾架以前六、七十年代嘅火車

 

雖然博物館地方唔大, 仲好搞笑地激近民居, 但勝在有歷史意義, 而且保養得好好, 各位去開新界, 記住去望下~

 

另外, 地區小店真係要住果區嘅人先知, Facebook 可以係一個好地方知道唔同地區嘅美食, show-off ? 其實都好睇閱讀者心態, 對我而言, 只要唔係加上乞人憎嘅字句, 就係好嘅介紹 , 睇完會自己去埋朝聖的 XD

 

PS. 原本想去埋出名嘅梁九記買松露醬, 但去到已經清哂凍肉格, 成間舖乜貨都冇, 原來之後一日開始連抖 9 日, 真係賺到唔開舖, 厲害!