上星期為慶祝我嘅 manager 响公司做夠 6年, COO 就請咗我哋條 team 幾個人去文華 Grill 度食Lunch ~ 咁貴嘅飯餐當然好味 (由於唔好意思影相, 所以唔會食 blog, 不過真係值得推介!!) 食完飯, COO 就話佢就快响公司做咗 7年, 咁我哋請客, 請佢食返餐 (當然唔係去文華食啦 XD)
揀咗一輪, 決定咗去中環荷里活道PMQ (前身係警察宿舍- PMQ = Police Married Quarter) 食 lunch, 順便探下最近勁 hit 嘅 1,600 隻紙糊熊貓~
以前住响附近 (都係住PMQ), 小學時日日放學都經過, 到達時好多舊時回憶湧上心頭, 街道所有舖頭已經面目全非........... 連我都搬咗九龍 12年, 乜都變哂!!
Manager 揀咗 Aberdeen Street Social 食飯, 位於舊少年警訊會所大厦 (JPC), 大廚係 Michelin 星級廚師 Jason Atherton (都係食完滿意再上個 website 睇先知咋), set lunch 2 course - $238 / 3 course - $288 (plus 10% service charge)
前菜送嘅小食好好味, 每人有一小件炸雞柳 (食時係超熱, 炸得鬆脆) + 一小件芝士pizza (真係手指仔咁長咋), 之後送上熱辣辣麵包, 外脆內軟, 十分之好, 下次一定會帶喜愛食麵包嘅媽咪, 佢一定好開心!! - 又係唔好意思影相, 得個講字 XD
餐廳外圍 - 要保育嘅關係, 外觀保持舊有外貌~
Menu (lunch set)
頭盤 - Aubergine caviar, garden vegetables
魚子醬味道唔算特出, 但沙律口感豐富, 醬汁剛剛好~
主菜 - Fregola with mushrooms & asparagus
蘆筍好嫰滑, 夠新鮮~ Fregola 係米粒般嘅意粉
每粒意粉都沾滿cream source , 食落都幾膩, 但好好味 XD
我係第一次食呢款意粉, 同事話整得唔錯, 粒粒都好均勻, 唔會部分太硬或部分太軟身
(好多餐廳都會整得失敗)
雖然好多 staff 同廚師, 亦都估唔到星期三下午會有咁多出現响 PMQ, 所以上菜頗慢, 另外, 環境好嘈, 可能大樓本身設計嘅缺憾, 即使一邊係玻璃窗牆都係困住啲聲........ 呢間餐廳係令我會再去嘅, 以中環計, set lunch $238 有呢個質素, 值得推介~
食飽飽就去快閃熊貓 (因為要趕住返公司呀~~~~~~~), 平日都有咁多人排隊影相, 好奇怪.......... weekend 一定多人到爆~
呢1,600 隻紙糊熊貓展覽完可供領養~
各位可以上網登記抽籤!
成千隻紙糊熊貓放响度好壯觀~
抱抱影相區, 可以攬住熊貓影相 ga ~ (不過要排大隊先)
舊荷里活道警察宿舍外貌~
(印象中好細個時去個一次, 都係跟媽咪啲警察太太 friend 去佢哋屋企，我只係幼稚園中班前住過呢類型嘅警察宿舍)
沒有留言:
張貼留言