承上篇 "焗芝士大蘑菇", send 咗製成品俾阿哥睇, 點知佢一句 "好醜樣", 激起我鬥心, 當晚佢回家後, 決定親自焗俾佢食, 一雪前恥!!
今次認真得多, 蘑菇鋪上爆炒完嘅洋蔥同豬肉碎 (當然呢樣係媽咪爆炒的), 之後放上成塊車打芝士用200度焗 7mins 先~ 一定要用低架, 高架受熱太快喇, 好易燒焦的確!
車打芝士比較耐熱, 所以幾乎沒有燒焦情況, 之後鋪上 Mozzarella Cheese 在最後 3 mins 焗, 期間睇實隻菇唔好燒焦, 之後成品如下~
賣相十分吸引, 同出去高級西餐廳俾成舊水食幾件仔嘅一樣~
金黃嘅芝士太完美~ 連阿哥都話個樣不俗, 食落仲話好味道!!
光波爐嘅好處係玻璃機身, 可以隨時睇到食物焗嘅情況, 再調節溫度同時間~
(當然唔爆玻璃嘅時候幾好嘅 XD)
沒有留言:
張貼留言