Mogri 飯堂 ~ 鮮茄洋葱菇意粉 + 煎雞扒 ~

今期 Mogri 飯堂請咗特別試食員 - 我未來老公, 開始學煮餸係因為年尾婚後住處遠離娘家, 唔學煮飯一定會餓死!! (當然可以出街食, 但我唔太想.......... 唔想未陀 b 已經變肥婆 @__@)

 

睇開我嘅 blog 都知道, 我只不過係一位一個月新丁 (都唔知有冇 XD), 大少新嚟試食, 心情當然緊張!! 最後大少為咗鼓勵我繼續努力, 當然食哂佢~ 不過今次唔太滿意, 個 grill pan 又燶咗 (洗到傻), 意粉嘅蕃茄又唔夠 (我自己夾起食咗一小碗), 時間掌握唔好 (因為唔知大少確實到達時間), 下次一定會再努力, 從錯誤中學習!!

 

 

今次飯堂嘅食材~

日本菇仔只放了半包.........

 

用上至愛嘅日清媽媽牌意粉, 網上 blogger 推薦嘅型號 759 阿信屋冇賣到!

 

同之前一樣, 將豬肉碎炒起, 再加入洋葱

洋葱早段就炒係怕唔透心, 怕辣味

 

之後加入日本菇仔炒熟

然後用碟子裝起佢哋

 

準備蕃茄醬, 將蕃茄切細件, 放入煮滾

途中加入鹽、糖、豉油~

試好味就熄火, 悶焗一陣!

 

加入意粉同所有配料炒勻, 再放入焗爐

焗到最後三分鐘放上 Mozzarella芝士~

 

題外話: LC 木剷真係幾好用, Silicon 產品普遍都係比較厚身, 做唔到較細緻炒嘅效果, 木剷前方夠哂薄身, 炒起食物好容易~ 

 

我都知賣相唔多好, 因為掛住洗個 grill pan , 芝士都係求其放XD

雞扒可能放過入雪櫃, 未解凍夠, 加埋個pan 唔係超級熱, 所以有焦同痴底...........

大少食哂已經好俾面, 多謝哂! 下次一定會更好嘅~