2014年6月19日 星期四

山形 A5 牛 from TST CitySuper

一直很喜歡食牛肉, 特別係牛扒類, 雪花牛都好鍾意~ 近年食材價格持續上升, 出街食個扒餐都差不多二百, 重點係件扒完全唔掂, 冇牛肉味, 咬下去感覺好稔, 牛扒嘅質感乜都冇....... 明顯係落梳打粉過量!!
 
近年一田百貨大展拳腳, 於旺角新世紀廣場開設超市, 又一方便熱點買到高質素食材~ 不過今次係去 TST CitySuper 逛下~ 一入去當然中伏, 望下芝士櫃, 企隔離嘅 promoter 原來煎緊山形牛, 原本唔敢試, 唔好意思唔買嘛 XD 點知佢一手遞過嚟, 我就忍唔住食咗落肚, 之後再俾埋媽咪食, 其時媽咪已經拎緊啲幾pack牛扒上手睇,  見到媽咪手上果 pack 都係一百有找, 咁就買一盒返去啦~ 個promoter就咁做咗我呢單小小生意仔~
 
呢盒牛柳粒得六舊, A5 級呢個價錢有呢個厚度都合理嘅~
 
咁名貴嘅牛唔會自己整, 交俾媽咪處理~
 
 
買埋呢支值$52 嘅黑蒜燒肉汁
聽聞黑蒜好有益, 再加埋係燒肉用, 一定夠香濃!!
 
咁貴嘅牛肉當然冇用醬汁啦~ 山形牛雖然係 A5 級別, 但唔同神戶牛同宮崎牛, 質感好煙韌, 好有嚼勁, 要咬好耐先得~ 不過就肉味較香濃, 對於我嚟講, 只要係高質素牛, 邊款都咁 like ~
 

沒有留言:

張貼留言