魂拉麵

今日另一半下午放假, 有時間去魂拉麵排隊, 當然唔會放過呢個機會! 就算有工作在身, 都要求準時六點收工! (我真係唔係一位好員工 XD)

 

 

Order 紙 - 有4款拉麵選擇

其中青龍拉麵每日限賣 30 碗!

其實覺得設計有啲差.........揀麵嘅質感同濃味度在左下位置

趕時間嘅邊會睇到........ 

 

每日只售30 碗嘅青龍拉麵

味道不俗~ 不太油膩~ (以日式拉麵嚟講)

 

流心蛋, 真係好出色, 好吸引

而且註明用日本蛋, 特別放心食用~

 

舖面細細, 煮拉麵位用拉麵碗遮, 都幾有特色~

 

  

舖位好細, 門口排隊位置淺窄, 排頭幾位仲要受樓上冷氣機滴水之苦!!

(仲要好多水果隻.....)

 

另一半唔太喜歡太濃嘅豬骨湯底 (話會作嘔), 魂都算合佢口味, 相比豚王, 魂嘅青龍冇咁濃同油 (其實都係好油膩喇), 之前開業頭一年, 成日大排長龍, 熱潮過咗並唔想像中咁多人........可能HK 開咗太多有質素嘅拉麵舖, 競爭十分之大 !!