王林蘋果

前排上 LC group, 各位濶太都去果欄買Tasmania 車厘子, 到我搵到時間去時已經過咗當造季節, 買了至愛福崗士多啤梨, 仲發現到特別版王林蘋果!

 

原來平時日式超市買開都係普通嘅, 今次買到卻係標明甜度的~ 當然唔放過呢個機會買個返屋企食, 由於已經熟了, 店家開了個特惠價錢散賣, 因為去到已經俾人揀哂, 所以只可以揀到一個咁多!

 

有貼紙註明甜度~

 

 

切開望落同普通王林蘋果唔大分別, 食落真係幾甜!

但又唔係期望嘅咁高評價

 

 

其實普遍王林蘋果熟透後會好香甜~ 好彩呢個同普通版差不多價錢, 如果貴成倍一個嘅話, 覺得冇必要買甜版本..................