Outback

美式食物熱量非常之高, 多數都係炸薯條、炸洋葱圈、一大塊牛扒 / baby ribs, 而且通常大大份, 我同另一半通常都係二人世界, 好難食得到的 >.<

 

Outback 係一間不錯嘅美式餐廳~ 可能一直有去開, 比較有感情啲 XD 今次去到灣仔店食 lunch, 對上一次已經係上一份工幾年前嘅事了......... 响呢度食lunch 有樣好, 就係有得訂位, 而且環境不俗! 有街境望, 有自然光透入, 感覺清新、開揚啲 XD

 

唔知係咪最低工資關係, 當日去到樓面 waiter 只有兩個人 (後期有個waitress , 但都係serve 後半嘅客人), 正因為嚴重缺人, 即使訂咗位, 都要企門口成 10 mins 先有人帶位 @_@

 

餐湯 + 沙律

白湯好過茶餐廳啲，套餐係咁上下水準！

  

蜜糖雞扒 burger

雞扒少許乾身，炸薯條好脆身，不愧為美式餐廳出品，如果唔好味真係摺得 XD

 

 

牛扒沙律

朋友大嘆蠢咗，因為前菜已經有沙律，最後大家share 食！

每位去 Outback 啲顧客，都會喜歡佢嘅 honey bread, 我同朋友都唔例外，所以追咗五 / 六次，點都要食到為止！！

包上枱時仲熱，外脆內軟，好味~ 去到冇得食會好可惜！

Set lunch menu 參考

 

Set lunch 有好多選擇, 價錢適中 (以商業區嚟, 可以話抵食), 份量十分足夠, 如果唔嫌店內人手嚴重不足, 真係一個很好嘅選擇!