潮江春

美心集團旗下酒樓, 一向有質素保證~ 雖然近年水準下降, 但依然比其他酒樓做得出色,唯一問題係 weekend 12pm - 2pm 時段, 勁多人, 等位等到傻!!

 

除咗美心皇宮系列, 潮江春係我另一至愛~ 同名字一樣, 主打潮洲菜式, 連點心都有唔同~

 

蝦角 - 宜家連美心皇宮都冇得食, 嚟到當然要叫啦~

上枱時熱辣辣, 外皮好脆口, 蝦嘅份量好足夠, 好正!!

 

銀杏芋泥

為咗呢個先去潮江春, 下午時段唔係成日有, 呢一年內去咗幾次, 得今次有得食!! 

製作一流, 芋泥好滑, 加埋銀杏, 絕配~

 

炸韮菜角

內裏有豐富嘅韮菜, 炸得香口, 上枱時熱辣辣~

 

叉燒酥

耐唔耐就要叫嘅點心~ 好多酒樓都製作得好, 潮江春唔例外!!

 

蟹籽燒賣

一貫美心酒樓水準~

 

以前上環維德廣場潮江春有埋反沙芋食, 當然唔夠德記新鮮熱辣辣啦, 宜家潮江春好似無咗反沙芋, 反正德記平咁多又正咁多, 有冇都無所謂, 最緊要有芋泥就得啦~ 希望下次去仲有得食~