Jenny Bakery ~ 4 Mix ~

認識 Jenny Bakery 已經有大約 8個年頭, 當年都係睇雜誌介紹, 佢嘅 8 mix , 好多果仁, 媽咪最 like , 知道只係赤柱有售, 於是要求另一半開車帶我去買, 試過之後, 真係欲罷不能, 要放棄多年新年必備嘅藍罐曲奇!!

當年價錢 4 mix $55、8 mix $70 (當年得 Small size only),  我每次入去都大肆搜購, 到後來物價高脹, 三年前 8mix (Small Size) 已經賣到 $90 了~ 自從加價後, 都好少買, 近兩年自由行一窩鋒搶購, 每次排大隊, 一排就三個鐘, 自問冇咁嘅耐性, 況且之前食到傻, 宜家食少當減肥, 雖知曲奇好香滑係加入大量牛油 (糖已經唔計), 眼不見為淨!! 除咗曲奇外, Jenny 嘅杏仁薄脆同鳳梨酥都好好味, 只不過太多人買曲奇, 就唔整啲複雜嘢 (順帶一提, 去赤柱店如果有鳳梨酥賣, 就會有鮮菠蘿汁賣 $27 / 3 支, 好好飲, 啱哂我呢個菠蘿怪 XD 不過宜家發跡店都冇埋, 以後我更加少有機會去買了)

前年出過夏威夷果仁鳥結糖, 同合桃藍棗糖, 呢兩樣都好好味, 當中鳥結糖真係非常之好味道, 後期係淨係入去買鳥結糖, 但非常貴, $20 / 4 支, 夏威夷果仁好香好大粒, 所以貴得有道理, 宜家好似都唔再出了 >.<

不過新年時另一半屋企收到盒 4 mix (L size), 於是轉贈俾我哋, 雖然唔係至愛 8 mix , 但都好好味的!!

一於以往, 用熊仔做 icon, 所以又名為熊仔曲奇 (支那稱呼)

 

6點方向: 軟牛油曲奇

(好鬆軟, 好香牛油味, 但唔覺好酥味, 但肯定勁肥!)

9點方向: 燕麥提子曲奇

(硬身, 唔知點解食咗咁多年都唔覺有燕麥 XD) 

12點方向: 咖啡曲奇

(個人至愛, 好香咖啡味, 好軟滑, 即係落咗好多牛油)

3點方向: 牛油曲奇

(略為硬身, 牛油味好香, 感覺上呢款多了點鹽味)

 

食完呢罐都唔知下次係幾時了, 其實有啲掛住佢嘅 8 mix, 果仁曲奇真係好好好味! 雖然係貴, 但足料, 唔會用次貨, 其實都值得嘅~