聖衣神話 EX 冥雙子 ~ 撒卡 SAGA ~

自從大概十年前推出嘅冥王十二宮編後, 我嘅聖鬥士夢再次被燃燒!! 亦都成為撒卡同沙加嘅忠實 fans ~  (不知何解日本動畫都係有頭威冇尾陣, 去到冥王篇已經畫質下降, 故事編排開始亂嚟, 冇咗冥王十二宮時嘅震憾, 當然身為 fans , 只要有得睇就得, 我仍然睇得津津有味 XD )

剛巧 EX 系列推出之時, 總算考完哂試, 事業開始有突破之際, 於是開始我嘅聖衣神話之路, 當然有睇我嘅 blog 都知, 我由 EX 沙加先發現呢個系列, 後追雙子無望, 唯有寄望再版 (可能再販時會雙入, 一隻放公司供奉 XD)

既然冇撒卡嘅怨念咁強, 當然唔會放過 EX 冥雙子啦! 之前埋首籌備婚事, 無時間出去訂, 好彩外間反應普通, 最重要係售價提高了而特別配件欠奉 (Bandai 對撒卡好有信心), 對於我呢個fans 嚟講, 只要唔過 $700 就即入, 好彩出售日, 街貨好多 (可能舖頭們以為會當炒, 入多咗貨), 之後在 Y 拍 $628 + $5 (拍賣費) 入手~ 雖然有話會跌破 $600 , 但我唔搏了, 呢個價覺得好合理, 於是出貨後兩日開開心心帶撒卡返屋企 ~~~~

為咗撒卡, 星期日早啲返屋企拎出嚟砌, 以下係開箱文, 下篇 blog 才補上靚相 (覺得擺pose 唔夠好, 要擇日重影!) 以下都係手機劣圖...........

 

冇咗黃金EX 嘅膠套, 覺得無咁靚~

 

覺得呢個撒卡塊面黃的, 好似之前聖神衣話患咗肝病咁

有啲趕客喎 @_@

 

當然要 show 下撒卡招牌必殺技

 

雙子座聖衣形態 -

其實我唔太鍾意個形, 可能以前睇撒卡係奸嘅, 覺得件聖衣散發邪惡感覺

(小時候嘅感覺真係影響深遠 XD)

 

上層: EX 素體 + 聖衣散件

(唔影底, 第日要收埋好難放啱位置,好彩實物冇面黃問題 ~)

 

中層: 主要為替換部件

 

說明書 - 顏色好娘 XD 不過簡易明白

 

 

EX 素體 - 唔裝着聖衣似厭食症咁 XD

 

面相真係唔夠霸氣, 明明撒卡係走型格路線, 點解變咗柔弱偶像派?!

(當然呢個我都好收貨, 依然靚仔 XD)

唔知係咪近幾個月冇入手 EX , 今次發現所有手部配件用一塊膠片相連，這設計好有用，開箱時拎起吸索時唔會啲手周圍彈走！！呢樣好重要的！

呢隻冥雙子嘅 QC 不俗，拎上身冇甩油情況，至於網上話嘅右右 / 左左腳，我係有，但情況唔嚴重，基本上唔認真留意係唔知~ 總之面相、頭髮、上色冇問題就可以，整體我好滿意，已經放咗出嚟供奉！ 希望今個星期日有時間同撒卡轉下表情姿勢，同佢影下靚相！ ~