繼星矢同高達後 (頭D都算係)，又一男仔頭玩意 - 玩氣槍！ 當然係去玩war game時先用啦，平時用係好危險的，一不小心會射盲對眼，一定要帶頭盔 (至少都要戴眼罩)作保護！小朋友一定唔可以玩的！同埋都唔想屋企電視機、燈飾、傢俬電器遭殃 XD
第一次跟朋友去室內 war game 場，雖然冇落場，但覺得俾我想像中好得多 (可能個場貴啲)，於是心癢癢試下槍，租用嘅係長槍 (Rambo 第一滴血果啲), 感覺幾得意，不過比較重，拎一陣隻手好攰，我呢啲肩頸傷咗嘅人，玩唔到四個鐘！之後問個fd 借佢把私伙短槍，一試覺得幾正，因為入氣關係，有後助力，而且望到bb彈準確射出！雖然都幾有重量, 但總比長槍輕好多!
當然問下咩價位啦，佢話係牌子貨要九百幾，台灣平兩舊，再講係日本牌子，我即刻雙眼發光！差兩舊，朋友話有質素保証，我十分認同，當然買日本貨啦！仲話佢其實買貴咗，其實$850就有！
問朋友攞牌子型號後，上網做 research! 原來係出名嘅牌子，仲要係比賽用都得！最重要係 made in japan, 日本怪嘅我唔買唔得 XD
廣華醫院附近一帶都有好多賣氣槍舖頭，去咗一間大型嘅，出奇地平過啲細舖同樓上舖成$100-$150! (但係果度嘅 Gundam 模型唔係平的) 最後$850入手，當然要買埋原裝後備彈夾 $210 (短槍每次只可入31粒彈藥), 入彈器 $30，買埋3000粒bb 彈 $45(打到手軟都得)， 最後盛惠 $1145!
電鍍銀色貴$30，驚易整花，所以買黑色，襟玩啲！
買槍跟嘅彈夾已經放入槍, 宜家在盒子上放着的已經係 spare 彈夾
其他配件真係唔知要嚟做乜, 有待研究!
日本製~ 仲要係比賽專用產品, 即時覺得抵玩 XD
沒有留言:
張貼留言