吉豚屋 CA-TU-YA

香港係一個好細地方, 出去行街, 不外乎銅鑼灣、尖沙咀同旺角, 因為旺角實在太旺, 有時都會落太子行下 (泊車位易搵少少), 太子嘅食肆都係比較價廉, 茶餐廳比較多~

最近行金魚街, 發現一間吉列豬扒店, 望落幾日式的, 見到價錢好抵, 已經心中盤算會拜訪一次! 幾日後, 報紙上嘅專欄介紹呢間舖原來大有來頭, 係日本吉列豬扒連鎖店! 知道後, 當然加快速度去食一次啦 XDD (日本怪又嚟喇!)

吉列蝦 + 豬扒定食 $69

原本跟餐有白飯一碗同麵豉湯，將佢轉走做烏冬

吉列雞扒定食 $65

由於坐近廚房，見到每次出食物時都要打單，即係在每張order 打時間，明顯係要在指定時

間出到食物！日本人做事方式，提升效率！

雖然同丼吉差段距離，但勝在價錢十分相宜！以呢個價位嚟講，好掂！不過係要加一服務費，但有水供應，個人認都值！