福來居(海鮮)飯店@太子

總司令生日, 每年都接近農曆新年, 年尾個個家庭都有大聚會, 酒樓食肆都 full booking, 仲要老屈食貴夾唔多嘅 set menu! 真係諗同佢邊度慶祝都辛苦 >.<

原本想食西環德記 (反沙芋正呀~), 但係星期一係休市的, 去至愛坤記嘅話, 地方又淺窄得滯 (仲要咁遲先book 位, 6 個人枱簡直 mission impossible!)

在有限銀両下, 我只想到食福來居飯店! (前幾年都在 King Luwig 食, 叫埋啤酒真係食到陀背行出嚟, 剛交咗稅, 阿哥又冇話夾份, 本人實在冇能為力! )

好彩一早叫定媽咪去搵位, 雖然平日, 但都好多人............

左: 卥水鵝片 (鵝片幾香, 驚喜係底層豆腐好味!)

右: 韮菜豬紅 (分量夠多, 佐酒必備!)

由於太肚餓關係, 鵝片食到尾先記得影 XD 

 

琵琶豆腐

好好味, 做到外脆內軟~ 魚肉豆腐餡做到冇骨且冇腥味!

 

豉椒炒聖子皇

買得聖子皇呢類海鮮, 實好味, 好彈牙! 價錢當然貴啦~ 豉椒汁有啲鹹! 但夠惹味~

 

 

 

酥炸白飯魚

以前覺得呢度嘅炸白飯魚係no.1, 自從坤記出現後, 變咗no.2 了!

白飯魚亦都無坤記咁大條, 但已經比其他店舖好得多, 份量都好足夠~

沙嗲芥蘭炒牛肉

除咗坤記, 呢度都有沙嗲醬, 牛肉片有水準, 唔算落咗好多鬆肉粉!

芥蘭好甜同軟滑! 當然鑊氣都好夠~

 

椒鹽鮮魷

媽咪話好過布袋澳, 我覺得兩者差不多~

 

小菜店雖然環境逼同舊, 但煱氣, 食物都水準一流, 要食好嘢, 都唔會介意硬件配套嘅~