一田超市

一向喜歡日本食材，只要價錢唔太貴，一定會買返屋企試下！

今次去一田，當然唔會空手而回啦XD

鹿兒島六白黑豚肉切片

因為係 for 燒肉用, 所以每片都有好多肥膏同切得好薄! 但就真係好香甜, 唔話你知係豬肉, 都以為會係牛肉呢~

 

 

真係勁似肥牛！食落其實都似食牛，好香好滑同好肥！

阿波尾雞 - 德島縣出嘅雞係日本 no.1

當日只淨番雞翼兩盒咋，crazy!

隻雞翼只用糖豉油淹了5 分鐘攞去煎1min, 之後拎去光波爐~

好香脆! 肉質好滑, 隻雞翼其實好大隻! 沒有多餘肥膏, 基本上隻雞好FIT, 淡淡雞味, 如果想濃嘅雞味, 要食以下介紹嘅本地雞! (不過雞油/膏較多, 但咁先味濃)

 

一望就知係黃油雞，亦都比較貴，認住個名“泰安雞”，其他冇咁肥美㗎！

阿媽見我影食材影得咁開心，叫我影埋呢張@_@

熊本熊蕃薯！