Le Creuset 22cm Marmite (Lilac Mist)

Sogo 每年有兩次 Thankful week, 5月一次, 11月一次, 每次我都必定滿載而歸.......... 平日除咗時代廣場外, 好難响其他地方攞到泊車優惠, Sogo 每消費滿 $800 有1hr free parking 而滿$1600 就有2 hrs~ 我每次都攞到 4 hrs 以上, 咁即係.......... XD

 

講返正題, 近年 Thankful week 之前 LC 都會舉辦抽獎活動, 得獎朋友可以獲得一次購買機會, 記住唔係送煲!! 當然, 為咗增加吸引力, 都會以特別罕有顏色作招徠的~ 今次係 Lilac Mist (LM) 色, 各位紫控踴躍出手~

 

雖然我係粉紅控, 但今次有 Marmite 黑裡, 而且紫色特別, 所以都加入戰團!!

 

近年嘅 LC 抽獎都用自己、媽咪同老公嘅 ID no. 做登記, 每次都冇功而還, 今次加入極級無抽獎運嘅哥哥, 豈料今次佢中咗獎~ (我哋三個就繼續落空 - 都好慳返啲 XD) 仲要係我想要嘅 LM 22 媽咪鍋! 如果抽到其他, 可能會送出俾其他 JM的~

 

 盛惠 $2,088

 

雖然唔係淺紫, 但已經係 LC 推出過最淺嘅紫色~

 

當年呢個紫媽咪, 全城個個爭住要

雖然唔駛俾代購食水深, 但 HK LC 食水都好深........... 

 

 點解咁搶手, 原因係 LC 好少出黑裡~

 

 可能係限量版, 所以都覺得幾靚~ 

放煲架, 可惜太重身, 只可放最底層 >.<

 

好可惜今次係尖沙咀專門店拎而唔係 Sogo 拎, 就咁冇咗個 5% discount.............(流淚中) 最搞笑係我個 friend 冇 Sogo card 但問人攞咗個 quota 要去 Sogo 拎, 專程過海, 點解會咁 >.<