亞坤咖啡店

 今期嘅 Mogri 飯堂暫停一星期, 因為去咗以下嘅餐廳試食, 返到屋企都飽哂, 唔駛再煮, 可以躲懶 lu XD

 

屋企人食嘢嘅接受能力算係高, 咖椰醬呢款 Singapore 名物, 都會喜歡, 當知道新加坡名店亞坤嚟香港設店, 已經盤算要去朝聖~ 當然一開業, 一定大排長龍, 所以等熱潮散少少先去, 今日去 TST 行街街, 媽咪提議去亞坤望下, 唔多人排隊就入去, 去到只有幾個排隊, 上網看評價先知口碑麻麻地, 不過見咁易等位就企下, 都叫試過下!

 

等咗 10mins, 就入得去, 其實係半自助形式餐廳, 營運上同 SuperSandwiches 一樣, 出去 cashier 落 order 俾錢後就有個號碼牌拎走, 放上桌面就有人將食物奉上~

 

香港分店位於尖沙咀漆咸道其士大厦

 

第一樣上枱嘅係蝦仁叻沙麵 (其實係似瀨粉嘅麵)

網上評語話唔夠濃, 對於喜歡味道偏淡嘅我同媽咪, 覺得剛剛好

唔太辣, 椰香味都重, 不俗的~

 

主角咖椰牛油焗多士

麵包薄薄嘅四塊, 上兩塊同下兩塊中間夾著牛油同咖椰

賣點係用炭火燒脆, 麵包鬆脆, 但略嫌唔夠熱

 

咖椰味道適中, 不太甜呀~

 

另一名物: 香滑奶茶

一定跟煉奶, 質感好滑, 媽咪略嫌茶味唔夠

我個人喜歡這個奶茶, 有著用花奶嘅奶茶的滑, 又夠甜度

 

跟餐附送嘅少熟雞蛋 (單點要 $10)

食完個多士先到, 其實唔知用嚟跟麵定多士食

最後就咁往嘴裡送 XD (好彩食完冇肚痛)

 

咖椰球~ ($16 - 6 pcs)

蛋糕仔內有咖椰, 好有特式嘅甜品

落order 話要等 45mins, 反正食下其他同傾下都好快過

但可惜係得一半係熱嘅, 另外混進唔熱嘅, 如果有6個人分享,

就會有一半人享用唔到新鮮熱辣嘅咖椰球, 呢樣好不滿!

 

內裏咖椰餡料豐富~ 夠哂特別

熱食嘅話真不錯的~

 

聽朋友講初營業時好混亂, 服務態度不良, 其實半自助形式都唔預冇咩服務質素, 今日去到, 店內無混亂情況, 只係清理枱面較慢, 另外, 有些 4人 枱只給兩人坐, 有啲浪費地方, 令到較多人要企門外............ 唔大合乎經濟效益!  人手驟眼望唔多夠, 但走時見到三個員工, 在廚房外食香煙傾計, 感覺不大好, 明白食支煙無問題, 但忙碌時間店內唔夠人手而一次過三個人出咗去, 好似唔係咁好!