海賀

大愛海賀，set lunch 非常之抵食！無論環境、食物質素都十分之好！

今次另一半叫咗海鮮餐，價錢一樣，只將煎鵝肝同薄燒牛肉轉做煎時令魚同帶子。

今次前菜有凡立貝，呢個weekday 先有, 而weekend 通常都係魚！

波士頓龍蝦好新鮮！師傅已經在鐵板上拆肉，食時好方便！半隻唔多夠 XD

海鮮餐嘅三文魚+帶子

三文魚皮在煎一半時移走，然後放在一邊慢慢煎脆，食落真係一塊薄紙，超薄，厲害！

不過之前係銀鱈魚，好似正啲，三文魚好多地方都有得食！

鐵板上的鵝肝

因為同時要煎魚同帶子，所以有少少燶，之後媽咪同舅父同時要鵝肝，就煎得剛剛好！

左邊係double 分量魚生飯，右邊先係正常版本，中間係麵豉湯，不過未飲已經被錯誤收咗反正好飽，留肚食甜品算！喜歡炒雜菜，有青瓜同黃瓜片，口感更豐富！

今次將醬汁整成棵樹咁

雲喱拿奶凍 (special not incl. in menu)

Harlans 提供，水準當然好味！

set lunch 包餐茶或者甜品

另一半揀咗甜品雪糕，有綠茶或黑芝麻揀，以上係黑芝麻，好味 XD

Cappuccino 有拉花~