2nd Pre-Wedding (序)

原本只會去台北影唯一輯嘅婚照, 但回港後發現各位 wow 友share KTC Photography (Larry) 操刀嘅婚照, 一望之下, 很喜歡, 雖然我 join 嘅時候已經調整收費, 但仍覺得十分合理, 所以要求大少陪影多一輯婚照!

原本揀了昨日 (2013年11月20日), 即係我 big day 前一週年, 點知天氣報告一直話會落雨, 星期一晚larry 問我會唔會想改期, 剛巧我提早一日攞衫, 所以問提早一日 (星期二) 得唔得, 經過 Larry 努力問拍擋們, 他們也無問題, 我即刻打俾 manager 請多半日假, 決定早一日影相, 時間剛好係影相嘅 12 小時前, 真係非常之趕! (要多謝 Larry 盡力安排!)

原本天氣報告話星期二會有陽光, 點知全日都無, 反而星期三有, 真係俾佢激死 早知唔駛掉假同埋有少少陽光.......... 到宜家呢刻都咁想打天文台台長 (或者預告者) 一身! 唔好咁害我丫

上次影台北勁凍同冇陽光, 點知HK 11月都係陰天同落雨.......... 唉, 真係同陽光冇緣! (仲要俾大少取笑, 叫我認命)

入番正題, 今次幫我化妝嘅係 Niko, 一星期前已經搵我有咩要求同著咩衫, 但我試衫冇影相, 所以攞衫時先 send 俾佢, 真係唔好意思, 冇時間俾佢預備!

我帶咗 Connie (Run for the Dream) 送嘅 Pronovias Lace 頭飾, Niko 都話靚, 之後幫我插上頭髮~

 

 

不過盒面唔係寫 Pronovias ..........

 

Lace 質素好高!

 

Niko set 嘅髮型好正, 勁襯個頭飾~

 

 

真的好喜歡呢個頭飾, Big Day 時會再用~