MOG NET: 魂限定 ~ Saint Cloth MYTH EX LEO - AIORIA

每年11月開始, 日本會舉行Tamashii Nation, 會出幾款會場限定版 (呃$$藉口, 但有限定呢個詞語, 都係乖乖俾$$), 次次都有一大堆人通宵排隊霸位

自上年 (2012) 開始, 情況有啲失控, 再加埋每人配額售賣, 又因為限定商品, 之後唔會再版 (只會改少少出另一款), 不論中、港、台、日, 各地玩具收藏家都失控, 店舖們瘋狂炒高價!

記得上年卡隆EX 炒到傻, 好彩之後 HK 魂shop 做場好戲, 每人限買一隻 (日本仲要抽選), 不過額滿即止, 我發現時已經 8pm, 跟住衝去電腦, 開十幾個Internet Exporer 去load , Server 間唔中down, 終於俾我買到, 最後俾錢時間剛好零晨十二點 (玩咗我兩個幾鐘!)

今年係獅子座 OCE (漫畫設定色), 雖然冇通販EX 嘅color 咁靚, 唔想後追 (已經再版咗一次) 同埋想儲限定版, 決定入手!

日本魂shop , 4pm (日本時間) 開賣, 估唔到今次 HK 同日, 仲要 4pm 就賣! (睇嚟 Bandai 好等錢使 XD)

今次魂shop 居然出到 0.75 算, 只需$490 (當然要加運費 $40 俾垃圾嘅宅急便), 都未試過 EX 有四字頭, 雖然無限出貨至到完結order date, 但係為免夜長夢多 (weekend 都唔響屋企), 唯有即刻喪入 Premium Bandai 網站, 我4:15 PM 發現有得賣, 即order (公司已經 auto login), 去到一半都係失敗, 估計server down 、網站未set up 好同埋太多人登入 (真係好瘋狂 - 包括我)

一路 F5 制, 一路開新 IE, 45mins 後, 即係到 5PM , Server 開始正常, 之後順利訂購, 不過要等到2014年4月先發貨, 真係有排等! (唔駛食炒價, 我等得嘅XD)

前幾日已經收到風會HK魂shop 開賣, 所以已經記定啲 login 同 password, 我好有準備! XD

講咗咁耐, 放啲官圖止下咳先~