入 group 同上討論區一樣, 就係太多消息同埋成日有劇毒嘅官方圖/相, 跟住中咗招!!
今次隻魂限受惠日元下跌, 日版竟然比行版更便宜 (本體定價當然貴!)
三月嘅時候日本魂shop 開賣, 店舖開 9 算 (連運費 1. HKD1,700 - 即俾全數; 2. HKD1,800 - 落$200 訂), 呢一刻我都忍得手.......
但係半個月後, 啲玩具舖開始減價, 1. HKD1,600 - 即俾全數 2. HKD1,700 - 落$200 訂, 因為八月尾先到貨, 唔想冒咁大風險, 所以選擇 Choice 2
話咁快到咗八月, 收到舖頭嘅 SMS 話到貨, 因為今次好多人訂, 頭一星期想攞貨就要打電話預約, 上討論區見到個個都話個電話唔通, 於是隔幾日嘅星期六去碰運氣
上到去話攞貨, 當然被問有冇預約, 我話冇, Staff 哥仔話要打電話先得, 我話咗得今日先得, 之後個星期去泰國, 唔想兩星期先去拎, 我話打咗好多次電話唔通 (其實都係吹水 XD) 之後可能見我係女仔 (響男仔嘅世界, 女仔係著數啲, 我認呢下我有啲衰), 就叫我等陣俾佢點貨........
過咗一分鐘, 佢話可以俾到我, 因為當時出面落緊幾大雨, 所以叫佢俾多個膠袋, 哥仔仲幫我手將膠袋上下套實個盒, 上網睇話間舖頭staff 態度不良, 但今次佢地好好tim
走咗後, 另一半話有個男仔在門口問冇預約有冇得攞貨, 即場被staff 拒絕........我真係有啲好彩成份XD
好彩用兩個膠袋上下包實, 個盒一啲濕有冇 ~
因為係偷運品, 所以快影同check 件, 燈光都唔多夠 @_@
實物勁大盒!
Box Art 背面
面相冇問題, 上色 / 印貼正常 ~
(應該) 冇左左 / 右右 劍情況
開埋 O Raiser check, 接合位parts 有齊
合金關節非常之實淨~ 擺 pose 一流!
由於太大盒 + 未有時間 + 違禁品, 所以冇將 O Raiser 合體, 合體後其實都幾壯觀~
整體質感非常之好, 呢個價錢有埋架飛機 (之前魂shop 要 $6xx) + Metal Build 系列, 所以都算合理! (當然俾錢時係會肉赤!)
Metal Build 系列真係好吸引, 當有1st 後就想有 2nd / 3rd......... 要控制下自己喇......>.<
沒有留言:
張貼留言