自從出咗黃金魂獅子座後, 唔駛睇都知道神聖衣處女座沙加係必入!
睇埋以下官圖照, 真係要大叫 "媽呀! 沙加點解可以型到咁!!" 件神聖衣真係華麗到爆, 正到無朋友! 加埋沙加完美演繹, 真係想孖入!! 但係定價一定貴同無位放, 諗起都傷心.........話時話件處女座神聖衣點解咁似一輝件神聖衣 @_@''
望住張圖, 真係唔知可以講咩好, 玩具討論區男仕們都話型爆必入
更何況我呢位忠實女粉絲 XD
好似上圖靚少少, 但都好正, 必入!!
人設黃金神聖衣都係金色, 但EX 系列變咗白金
其實玩具嘅白金仲優雅, 只要係沙加, 總之出咩都要買 XD
反觀神聖衣白羊座削好多, 同EX 黃金聖衣差無幾!
感覺夾硬加對翼上去, 唔係好 match !
結論係可以 skip XD
望真都唔係好差, 反而覺得星座型態好好多~
黃金魂系列除了貴之外, 就係非常大件, 所以要慎入, 入幾隻至愛就算.......... 不過個個都係咁諗, 啲熱門角色一定要炒價! 真係慘........ >.<
以下係 Bandai 廣告 (應該係) , 好毒呀, 雖然感覺無管圖咁正, 但已經夠毒了 XD 再加埋舊同學都話黃金神聖衣掂, 無理由唔入手嘅!!
原來沙加嘅髮尾比穆係散開啲~
沒有留言:
張貼留言