發售預告~ 海鬥士 EX Sea Dragon 卡隆

EX 系列終於都完咗黃金十二宮同五位主角, 但係Bandai 又點會放過我哋呢............... 趁勢推出 EX 海鬥士, 矢志不斷將聖鬥士 figure 無限 loop 、無限輪迴 (但我屋企儲存位置同Cash 唔係無限輪迴嘛 =.="), 誓要吸乾各位聖鬥士粉絲銀包入面嘅錢為止!!

 

可憐嘅我就算點忍得手,、唔係全部入手, 都會入下貨....... 再加埋新 line 黃金魂, 幾時先有得完呀! 救命~

 

撒卡控嘅我, 孖生細佬卡隆照殺 XD

 

雜誌官圖- 鱗衣橙金色好搶眼~

感覺似 EX 雙魚座件聖衣

望多兩眼中咗招, 乖乖出去訂貨~

呢封圖睇又真係幾橙色, 右下角寫住黃金魂 =.="

官圖令我覺得撒卡變咗海鬥士 XD

 

繼上次無訂水瓶座卡妙, 出貨頭幾日又去咗 honeymoon , 响馬爾代夫睇住個價由 $5XX 幾日後變 $7XX 後, 決定乖乖訂貨, 唔想又 miss 呀, 反正個價 $568 都合理丫, 訂咗唔駛周圍撲! 7月先出貨, 慢慢等呀等 XD