南部鉄工房 ロジ Roji ~ 藤色 桜 0.6L~

真想不到會入手呢件敗物, 入 group 後見到各位 high tea 同好推介, 當然要留意啦, 剛好代購post 櫻花系列 + 淡淺色系, 正中下懷, 立即心心眼, 可惜返貨量少, 而且價錢很貴 (因為全個係 cast iron 好有重量的), 所以就此作罷..............

 

南部鉄工房原來係日本歷史悠久, 旗下全鐵做嘅 teapot 好出名, 可以保存熱力, 缺點係重同埋貴啦 XD 因為人手製造, 所以每次出貨量有限, 每次都俾人秒殺! 我呢個都係見到樂天網有售, 即搵代購 (當然格咗價搵個平少少嘅代購), 24小時內售罄, 真的很誇張~

 

初時都以為無, 好彩呢個代購未過錢已經幫我第一時間入手, 實在太好了~ 而且購買後一星期已到港, 真係好快, 幫襯過咁多間代購未試過的!

 

 另有粉紅色 (很鮮艷的), 但其實藤色優雅好多~

(純屬個人喜好)

 

代購經宅急便送到公司

很大件嘅貨品

(其實係包了很多、很多層 bubble 膠)

拆開幾層 Bubble 膠後, 只淨下一個小盒子~

簡約嘅包裝~

呢張圖有色差的, 因為對上係黃燈關係

近睇櫻花 pattern 很美, 細心留心上方嘅櫻花較細小

下方櫻花最大型~

 

官網圖較為深少少色, 粉紅帶紫~

南部鐵工房出品連teapot 手挽都係用鐵鑄造

所以價錢較貴, 但實用性高, 長遠計很值得投資的!

 

雖然這是一個鑄鐵產品, 但唔可以上明火的, 可放上電磁爐或用蠟燭加熱器保温的~

 

南部鐵器有好多唔同顏色與款式, 各位喜愛喝茶的一定搵到合心水的~

期待日後有自己嘅 home sweet home 可以配合我嘅骨瓷珍藏悠閒地喝茶!