2015年1月4日 星期日

咖啡弄 @ TST

咖啡弄係一家台灣咖啡弄, 當地有相當嘅名氣同分店, 大約兩年幾前進駐香港, 首家香港店坐落銅鑼灣, 大受歡迎, 星期一至日都擠滿人, 連平日下午時段都要大排長龍先可以進店, 真係一位難求!
 
 
在一年多後, 尖沙咀店也正式營運, 有幸於試業期間進內一試, 事緣當日 weekday 請下午半日假去尖沙咀預備婚禮事宜, 於是決定到咖啡弄碰運氣, 位置於一商住大厦一樓, 沿住樓梯上去, 已經排到出門口, 原以為前面只有幾個人, 排咗 10mins 入店先知前面還有十多人等候, 最厲害的是, 一望後面排隊人龍已經擠滿樓梯, 遲多 5 mins 到嘅話我一定會放棄等候!
 


前面還有6-7人, 好彩 5 mins 內有位~
(因為 Lunch 嘅人結帳離去)
 
用了大約 20 mins 排隊, 算是快了, 當下真係好有期待這超級人氣店食物質素怎麼樣........
 
很有特式之餐牌!

至愛格仔餅又係signature item, 必點!

先上飲品 - Green Tea Latte

然後到 - Coffee Latte
跟飲品嘅餅好韌, 好難食.........

主角出場~
揀咗最穩陣嘅紅豆綠茶雪糕 waffle

份量好大, 口感似蛋糕, 屬於鬆厚型
個人不大喜歡這質感, 好似食緊麵粉咁
比較鍾情 UCC 出品多啲!

 豬扒三文治
豬扒好乾身, 好普通嘅三文治, CP 值好低, 唔抵食
 

咖喱牛腩配法包
呢個反而有啲驚喜, 可能咖喱味濃, 同法包好夾
 
如果要排大隊去食會唔值, 有啲大失所望, 可能唔啱我口味, 最重要嘅 waffle 都唔啱心水, 好難會再幫襯, 而且得三文治類食品, 如果好似我另一半咁唔好食 waffle、包類食品就好辛苦, 最少都有一兩樣意粉類會好啲!

P.S.  尖沙咀店與銅鑼灣店不一樣, 要確切地排隊, 唔可以攞完籌隔 1-2 hrs 回去, 要注意呀!

沒有留言:

張貼留言