屋企人好鍾意食燒鵝, 除咗去開嘅鏞記, 仲好鍾意去食裕記, 其實深井嘅陳記都好出名, 但奈何廿年前去過旺角分店食過晚飯後, 覺得好普通, 之後冇咗去了........... 最近呢兩年鏞記為咗打爭產官司, 搞到食物質素大降, 而且不斷加價, 已經少咗好人流, 適逢深井裕記又唔多就腳同埋每之去都排大隊, 今次媽咪就去咗旺角嘅陳記食燒鵝下午茶餐~
一食媽咪覺得不錯, 再問下價錢 "下裝" (即係下半身 + 隻鵝脾) 只係 $118, 於是買回家俾我食, 因為買時係剛燒好, 皮仲脆, 覺得好味道, 價錢合理, 於是昨天媽咪又買半隻鵝返嚟, 不過已經加咗 $10 價了 (只是一個月嘅事)
隻鵝脾好足料, 唔似俾人偷件~ 好好味
最重要係肉質冇騷味, 讚!
以後食燒鵝唔一定過海搵鏞記, 又唔駛老遠入到深井, 去旺角陳記買就得~ 快、靚、正!
沒有留言:
張貼留言