Le Creuset ~ Chiffon Pink 23cm Skillet Pan set + Chiffon Pink 18cm Marmite + Set of Pink Spoon ~

近兩個月係比較多敗物 XD 開始學煮飯後, 發覺自己原來都唔係咁地獄, 煮到幾味餸~ 既然自身廚藝小宇宙爆發咗, 當然需要更多廚具協助, 大至煲, 小至刀叉/砧板, 樣樣都要 (煮餐飯真係唔易), 買咗一定用得着, 一次過買件好嘅真係值得投資, 好過買完覺得唔啱再買過件貴啲, 仲要浪費埋舊有果件!

 

原本覺得連月來敗得頗多, 諗住休息下, 點知 LC 响八月發放粉紅炸彈, 第一輪避得過, 第二輪就失手了 (原本仲有第三輪, 但實在買得太多 (另一半已經滴咗汗), 再買真係破產!!)

 

第一輪因為要買滿 $800 先可以換購 Chiffon Pink Tryme Product, 已經成屋係 LC, 仲要買正價 / 7折買 French Pastel Series, 如果未買紫花盤都會考慮下嘅............ 最後都係 skip 咗佢!! (原本媽咪見我 like 18cm Marmite 話送俾我, 加加埋埋成二千銀有多換個細煲返嚟, 我真係唔捨得, 敗友一直好想要一個 CP 煲, 所以開賣第一日已經出去選購)

 

過咗一星期, 各位開始淡忘 CP 之時, 魔咒又出現, 今次推出嘅係 CP skillet pan set, 第一次出 CP skillet pan, 見到時已經心心眼! 價錢係 HKD1,458 (硬屈要埋兩隻 23cm Shinny Stone 圓碟), 覺得平底 pan 都有用, 黑裡我唔多, 仲要日本都未出過嘅 CP skillet , 價錢尚算合理, 心裏已決定買!

 

另一邊, 敗友見到 CP 20cm set 又心心眼, 仲暗自覺得第一輪太衝動, 本住可一不可再心態, 又第二朝一早去敗回家! 仲俾佢問到, 原來第二輪 CP set 裝可以計入HKD800 去買 CP tryme 煲, 由於敗友第一輪浪費 HKD 800 夾硬買其他 products, 見今次唔買又好蝕, 當係溝淡啲貨, 所以入多一個 CP saucepan, 而我又俾呢個優惠毒到, 於是 lunch time 上山豁出去 (中環專門店) 敗入 (原本想等放工去 sogo 買有 95折 sogo credit card 優惠, 但 CP tryme 只係 shop exclusive, 所以上山算) 

 

當日大約 1pm 去到中環店, 已經見一個女仔俾緊錢 (又係 pan set 加錢換 saucepan), 另一個男仔 check 緊貨, 好明顯佢係受另一半 order (佢一路拎住電話講嘅), staff 好快搞掂招呼我, 問咗 pan set 可以換 18cm marmite 即時 confirm ! 去到 cashier check 貨, 已經係倉入面最後一 set , 再買/換就要 display 了 ~

 

 大合照!

(都好壯觀下 XD 夢幻 Chiffon Pink 系列又增添兩位新成員)

 

 要反轉個 Skillet 先突顯到 Chiffon Pink 顏色 XD

 

雖然只剩最後兩 set, 但都好靚仔下

呢批貨QC 同造工很好~ 

 

 就係左邊粉紅圈圈內 "Chiffon Pink" 呢個 term

搞到個個神暈癲倒, 爭住俾錢買 @_@

 

 以淺色系列嚟講, 已經上色均勻了~

 我 check 咗4個, staff 好好, 一路入倉拆包裝紙開俾我

都係一貫 CP 毛病, 上油不勻, 多黑點, 最後揀唔到之下

唯有將兩盒分別拎走煲蓋同煲身合體

(好好彩當日中環店冇乜人, 可以俾我為所欲為 XD)

 

同日從代購手上拎咗訂咗好耐, 坐咗好耐船嘅 pink spoon set

可以襯我嘅粉紅 5 小花喇~

 

凡於LC 香港購物滿 HKD2,000, 可以報名上 cooking class , 由發票日計一個月內要報名, 每個月有兩款菜餚選擇, 今次同另一敗友一齊上 "海南雞飯" 班, 雖然 18/9 先上堂, 但已經好開心, 因為買咗咁多 LC 都係經代購多 / Sogo Thankful Week 限定品唔計 (真係多限制........) 終於可以試下上堂丫~

 

不過雖然買咗 over $2,700, 但係冇得送貨 (要 $4,000 先有), 咁重又拎唔到回公司, 唯有放底煲煲們在 shop 等第二朝另一半開車接佢哋............ 仲有我咁買法係冇得送 magnet , 因為 try me product 唔計, 即使過咗 HKD1,500 都冇用........ 我個pan set 只係 HKD1,458, 差HKD42, 真係計得好盡!! (不過有 cooking class 上就算啦~)

 

一星期後仍然覺得不可思議......... 公司午飯時間都仲要去敗家 XD 睇嚟真係中毒好深!