自從上年嘅 Distant World 後, 一直都希望植松伸夫可以來港表演 (上次只係做座上客, 上台揮手半分鐘 only), 點知忽然 27/8 在 FB 見到植松會來港演出, 歎息點解咁遲知, 即時上網買飛, 好彩仲有, 但特別門券 (簽名會同附送 CD) 就冇喇............好過冇啦, $980 有得同植松合照同攞簽名點都叫抵 (仲有隻CD 拎走)
今次植松攜同EARTHBOUND PAPAS ﹣一群著名的電子遊戲作曲及編曲人，包括吉他手岡宮道生、鍵盤手及結他手成田劍、貝斯手弘田佳孝及鼓手藤岡千尋一齊演出~ 真係令人期待!
不過咁遲買都好嘅, 起碼唔駛期待兩個半月 (原來6月中已經開始發售), 3日後就有得睇, 好快就到咗 30/8 星期六, 話咁快可以睇 show~
就係睇咗呢個 FB 廣告先知有植松音樂會~
(原來我只係 like 咗 Distant World FB page, 宜家要 like 埋 Sound of Faeries 先得!)
大鄉里嘅我以為 Free Standing 係企位
去到先知代表無劃位, 座位先到先得 XD
會場準備就緒, 快要開始喇~
好彩今次阿哥聽我講早咗入會場, 都坐到前1/3 位置
可惜係我前面果個男仔忽然好高, 睇時要就位有啲辛苦
(明明全部男仔唔佢, 包括佢啲 friend, 知道自己高應該坐埋一邊
反而啲矮 friend 就坐埋一邊!!)
當然唔少得紀念品攤位~
(一定平過上網 order, 點都要買!!)
左邊紅色衫阻擋我嘅人兄後面就係我, 當然我係被淹沒啦
雖然得 5 位表演者, 但絕冇欺場, 位位都係大師級, 最估唔到係鼓手 (右邊) 係孖寶兄弟嘅音樂總監, 其餘幾位都係著名電玩遊戲音樂製作人, 十分之猛料!~ 佢哋幾乎 non-stop 嘅表演 + 音樂造詣冇得頂, 玩樂器已經係出神入化!
可以親身睇到猛料人士表演, 呢五百大洋絕對值得俾! 好明顯佢哋賺夠錢為興趣周圍世界各地演出, HK 只辦一場, 收支平衡已經好好, 佢哋嘅酬勞應該都無乜, 主要會下各地粉絲 only, 好彩我哋 HK fans 都無欺場, 由頭到尾都咁興奮, 睇到我哋咁投入, 下次應該會再嚟 XD
因為全程企住睇 show, 大部分時間仲要用腳尖企住 (前面嘅人兄太阻街, 環觀四周真係佢係特別高嘅), 不過氣氛真係好好, 大家都係 FF 忠實 fans, 非常之投入~
最好笑係一開場已經被叫企响身 (都係拜前排啲人見到表演者們出場太開心, 企响身, 搞到佢哋叫埋我哋起身罰企, 非常之 rock & roll), 全程冇坐過, 張 chair 都係放袋 only (應驗咗買飛時話係企位來的呢句話 XD)
總結: 由於今次樂器係電子結他、keyboard 同鼓, 所以編曲上都係着重節奏感, 偏向 FF 戰鬥音樂為主~ (不過都整返首 Yuna 名音樂俾大家陶醉下) 植松佢哋真係重新編曲, 好有誠意、落足心機的, 當然唔再編過都好滿意收貨~ 最後又要講名句白 : 佢哋肯嚟HK, 我必定會棒場!
沒有留言:
張貼留言