一品雞煲@土瓜灣

一向唔喜歡食辣, 其實小辣係可以嘅, 不過唔喜歡辣到喉嚨唔舒服嘅感覺, 所以都盡量避開!

但另一半同朋友們都喜歡食辣, 即使避開幾次, 但都要食一次半次, 總不成成日要人哋遷就同埋唔見朋友, 所以今晚跟佢哋去食呢排勁 hit 嘅麻辣雞煲........

第一次食雞煲係同一集團嘅荃灣分店, 地方好窄, 仲要水都唔俾一杯, 老屈你哋叫飲品, 當時冇揀小小辣, 辣 (麻) 到條脷都冇感覺, 去到後期飲到啲竹蔗水係甜, 如果唔係冇感覺, 我估啲竹蔗水係勁甜!! 之後對雞煲感覺好差............

今次 FD 推薦土瓜灣分店, 再試一次啦!

分店濶落好多, 可以俾滾水, 當然食辣煲叫激大杯檸茶/ 水最好~

今次朋友們遷就我要小辣, 辣度對我嚟講適中, 不過要佢哋辣王/辣后就我, 唔好意思~

火煱食材都算ok, 始終價錢唔平!