丼吉 Tokichi ~日式吉列專門店~

一向鍾意食煎炸食品, 其中丼吉深受我所愛

作為多年 fans 嘅我, 雖然一年食得果兩、三次, 但係每次去食, 都好有滿足感~

基本上, 每次去到加少少價, 但以高水準嚟講, 價錢可以接受, 反正其他炸物店都唔貴得好多!

一貫日式風味~ 好有當年百人一朱嘅感覺!

日式器皿 (其中放有柚子汁嘅最常用, 放落椰菜絲送飯, 非常之夾)

 

好日式同秋意嘅menu (一轉menu代表又加價, 好彩加幅唔多)

 

吉列鹿兒島特等豬扒定食 (比普通版貴 $20 only)

 

又到至受活動之一 : 磨芝麻~

磨芝麻用嘅碗側邊係有坑紋, 令到芝麻容易磨碎, 用過幾間舖頭嘅工具, 丼吉係最好用, 最容易磨得幼細, 同埋磨嘅時候唔會周圍飛出~

吉列大蝦生蠔定食 (左)

 

日本定食必有嘅麵豉湯

 



好喜歡丼吉嘅炸蝦同炸蠔, 好味道~ 椰菜絲無限添配, 鹿兒島豬扒好juicy (如果想軟身嘅要豬柳, 但冇咁香)

飯後有兩片西瓜, 好清甜, 唔似浸過糖, 或者係日本西瓜 (段估中 XD)

$500 以下有兩款定食, 有蝦有蠔有豬扒, 以質素嚟講, 值對合理!

以前大排長龍, 宜家都有人排, 都無咁多人, 如果唔係即興一定要去食, 可以預先 booking (以前要早幾個月慢慢排booking), 宜家一星期前都 OK!